Pasian in nidang pute pite thupha napia in tanu tapa tampi hong gah khia sak hi. Amau te in hong mih non loh uhhang in tu in khangtampi pha zo ta in kigui zam khia zo mahmah tahi. Kum2000 malai khawng in khua mah ah kiteng zihziah lai in kitawm mahmah lai aa zong ihneih bangbang tawh kilungkim in nuam kisa tek lel hi. Kum2000 pan kum2020 ciangciang sungah Topa in thupha tampi hong pia in tanu tapa tampi hong pungsak in innkuan kilam in Topa thupha kisang ciah tahi.
Kum 2010 khit lam ciang in gam tuamtuam ah kitung ngeingai in pawlkhat te India lam ah pawlkhat leuleu malaysia lam ah pawlkhat leuleu China lam ah cih bang dan in kileng kek in sum kizong tek hi. Hibang gam tuamtuam ah sum kithalawh tek in sum leh pai lawhpha in nidang aa ih ten na innlehlo te asiacip akisel cip inn te tu in ahoih khia mahmah TAIH inn bekbek tawh unau sungah kiteng zihziah tahi.
Tulam lam ciang in Pasian in thupha hongpia in malaysia ah unau in kituah ngeingai in ki om ngeingai ta hi. Pawlkhat te gam 3 na lam azuanzuan tawh kiom ngeingai in pawlkhat te leuleu ciang in UN ngak leh gam 3 na ngak in ki om ngeingai leuleu hi. Hun khat ciang in Pasian in thupha hongpia dinga USA leh Australia ah Pasian in Unau kim in hong gawm kik ding mihing lam pan ih lam et na ahihi.
USA ah Pa mun sang leh Pa khai sum te innpi ding na tungzo ta ahih man in atung that ding te ading inbang zintun na ding leh hong dawng ding in amau te na om khin ta ahih man in tulam aa atung that ding te ading bang lawp huai kasa mahmah hi. Australia ah bang hileh Pa lal leh Pamang te na om ta uh ahih man in tua lam azuan ding bang in lawp huai mahmah kasa hi.
Dah hun ciang bek in akiphawk hilo zaw in nop hun ciang in zong akikawm zo tangtang te ihih ding lunggulh mahmah hang. Tuhun ciang in atam zaw khangno bekbek kihi in atam zaw na u te un hong thei kha baan lo ahih man in akua mapeuh kigen in ih kiphawl sak ding lunggulh sem hang maw. Topan in akua mapeuh ih om na tek ah Topan hong kem bit tahen.
